1. Qur’oni karim tilovati

Qur’oni karimni tadabbur bilan har doimgidan ham ko’proq tilovat qilishga alohida ahamiyat qarating.

2. Ramazon strategiyasini tuzish

Ramazon kirganda tayyorgarliksiz bo’lib vaqt zoe ketmasin deb, oldindan rejali strategiya tuzib oling (kitob do’konlarida tayyor holda ham mavjud).

3. Oila a’zolariga vazifalar taqsimlash va musobaqa tashkil qilish

Oila a’zolariga vazifalar taqsimlang va ushbu vazifalarda musobaqa tashkil qiling. Vazifalarni yaxshi bajargan oila a’zolariga Hayit kuni hadyalar ulashing.

4. Hojat va so’rovlar ro’yxatini tuzish

Ramazon oyi ichida Alloh taolodan so’raladigan so’rov va duolarni ro’yxatini tuzing, toki ro’zada Alloh taolodan nima so’rashni bilmay qolmang.

5. Duolarning matnlarini yodlab olish

Ramazon oyi, Qadr kechasi va ro’zaga oid maxsus duolarni yodlab oling.

6. Nochorlar holidan xabar olish

Nochorlar holidan xabar oling, toki ular ham ro’zani xotirjam holda tutishsin. Ayniqsa tirikchilik sabab ro’za tutmaydigan odamlarga ta’minotdan yordam qilish zarur.

7. Zakot va fitr sadaqasini ajratib qo’yish

Ramazondagi ơ’ta qadrli vaqtingizni hisob-kitoblarga sarflamang.

Zakot va fitr sadaqasini ajratib ado qilishga taxt qilib go’ying.

8. Hayit hadyalarini oldindan tayyorlash

Faqat ibodat uchun sarflanishi kerak bo’lgan vaqtlarni bozorda o’tkazmaslik uchun Hayit kunlari beriladigan hadyalarni taxt qilib qo’ying.

9. Uzr so’rab qo’yish

Uzr so’rash lozim bo’lgan odamlardan uzr so’rab qo’ying, chunki janjallashgan odamning duosi ijobat bo’lmaydi.

10. Oldi-berdilarni tartibga solish

Ro’za ichida bezovta qilmasliklari uchun oldi-berdilarni ro’zadan oldin tartibga soling. Ro’za ichida hech kim murojaat qilmasligini ta’minlash uchun barcha oldi-berdilarni ro’zadan oldin qilib qo’ying.

11. Ayollarga yengillik qilib berish

Ayollarga yengillik qilish choralarini ko’rib go’ying. Ayollar asr va shom namozlari orasida band bo’lib qoladi. Aslida iftordan oldingi vagtda duolar ijobat bo’ladi. Ayollarga ham shu vagtda duo qilish uchun sharoit qilib berish zarur.

12. Manfaatli kitoblarni o’qish

Manfaatli kitoblarni reja asosida o’gib chiqing. Masalan: Tafsir, Hadis sharhlari, Fiqh.

Zikrlar va duolarni ham qo’shib qo’yishga harakat qilaman InshaAlloh.

Manfaatli qilsin.

P.s Ramazondan oldin iloji bo’lsa tezroq Hadis va hayot 9-juz, ro’za kitobini o’qib olinglar.

Substack (ijtimoy tarmoq)

Ko’plab blog yozuvchilar yig’ilgan joy. Har sohadan blog bor bo’lsa kerak. Shu sababdan ko’proq yozishni boshladim u yerda.

Yozgan narsalarimni odatda Telegramga joylayman, oktabr oyidan boshlab Substackga joylashni boshladim. Meni yozganlarim boshqalarga foydasi tegdimi yo’qmi bilmadim, lekin boshqalarni yozgani foyda berdi.

(Telegramdan o’qib turgan bo’lsangiz ilovani bir yuklab ko’ring o’qish va yozishga qiziqsangiz yoqadi. Twitterga o’xshab yozish uchun mo’ljallangan ilova faqat farqi bu yerda urishdan ko’ra fikr almashish bo’ladi.)

Hisobotchi AI (hisob kitob)

Yaqindan ishlatishni boshladim. Yaxshi tarafi shunchaki yozib qo’yasiz o’zi o’sha bo’limga qo’shib qo’yadi. Bitta katta yaxshi tarafi ovozli habarni ham tushunishi.

Keyinchalik maslahat berib tursa ham yaxshi bo’lar edi, bu chiqimni qilsang bu narsaga pul yetmay qoladi deb.

Strava (sport)

O’tgan yili Adidas runningni ishlatgan edim O’zbekiston uchun bloklandi. Undan ko’ra Strava qulayroq va odam ko’proq ekan. Sportchilarni Instagrami desa ham bo’ladi. Pullik obunasini ishlatib ko’rdim. Arzidi, bitta yaxshi tarafi qanchadir masofaga yugirish/yurishni xohlasangiz uni yozasiz sizga qulay yo’llarni chiqarib beradi.

Obsidian (yozish)

Oldin oddiy note keyin Notion endi Obsidianga yozyabman. 1-2 oydan beri tushunib tushunmay ishlatyapman. Online va ofline ishlatsa bo’lishi yaxshi, yozgan narsalar file holatida saqlanib qoladi. Ba’zi ilovalar o’zi yo’q bo’lib ketsa yozilgan notelar ham yo’q bo’lib ketadi. Bunda o’zingizda saqlanib qolishi va maxfiy so’z orqali ochish mumkin holos. Yana bir yoqgan tarafi grap view bo’ldi.

Mutoola (kitob)

Deyarli har ikki kunda bir taxida yuraman ekan 1 soat atrofi. (Bu yil yandex go da 2351 km yo’l bosibman.) Shu vaqt odatda hech nima eshitmasdan ketardim. Mutoolada obuna olib audio kitob eshitishni boshladim. Dekabrda 2 ta kitobni eshitib tugatdim shekilli, shu yo’l davomida. Uzoq yuriladigan yo’llarda 1 ta kitobni yarimini eshitib qo’yaman ekan. Kunlik yurish vaqtida ham ancha foydasi tegyapti. Gamefaction borligi har kuni eshitshga turtki bo’lib turadi. Ovoz va o’qib beruvchi diktor sifati ancha yaxshi.

Obunalarga kelsak

Parallel muhit (insho)

Insholarni o’qib ko’p savolga javob oldim, xozir o’qigan insholarim esimda yo’qdir lekin o’qigan vaqtda javob olganda ancha hotirjam bo’ldim. t.me/parallelmuhit_bot ga 12 deb yozsangiz ba’zi insholarni o’qishingiz mumkin.

Whoop (sport braslet)

2023-yildan beri qandaydir smartwatch olishni reja qilib yurib oxiri whoop ola qoldim. Olish vaqti kutgan narsalarni oqlagani uchun unchalik negativ fikr yo’q. Lekin Bek Olimjon aka yozgan ba’zi muammolarga qo’shilaman. Obuna tugasa olmasam kerak. O’rniga Garmin reja qilyabman.

07.01.2026

Turkiyada boʻlib oʻtgan zilzila ular uchun “musibat”, sen uchun esa tafakkur qilishing uchun boʻlgandir, balkim.

3 oylik chaqaloq 128 soat bino ostida qarovsiz qilib ketdi. Na ota onasiz va na aka uka siz hech kimsiz. Sen boʻlsa qaysidir falonchi akangga suyanib u siz hayit kecha olmayman deb oʻylaysan.

Boshqa qizchadan qanday omon qolganini soʻrasa farishtalar toʻydirib ketdi dedi, sen boʻlsa обед qilib oʻtirib ужин ga nima yeyishni oʻylaysan.

Bir talaba yigit vayronalar ichidan Qurʼon kitobini yigʻlab olib chiqdi, Qurʼon uning hayotiga qanchalik kerakligini bilib. Sen boʻlsa sharoit bor boʻlib oʻrganishga erinasan.

Mahmud Tursiy tunda tahajjudga turib, zikr vaqtida zilzila boʻlib bino ostida qolib jon berdi. Sen boʻlsa huftonni kechga surasan, kech boʻlsa oʻqishga dangasalik qilib zo’rlanib oʻqiysan, tasavvur qil oʻsha vaqt joning uzilsa nima boʻladi...!

Turkiyalik bir uy egasi ijara haqqini oshirdi, ijarachi yigit toʻlay olmadi, uy egasi haydab yubordi yigitni. Bir necha kundan keyin u uy zilzila sababli qulab tushdi, endi ikkala odam ham bir chodirda isinib oʻtiribdi .

Koʻrdingmi Alloh xohlamasa bir kechada sen yillab ishlab olgan uying, mol dunyoingni olib qoʻyadi, oʻziga seni qaytarish uchun.

Xullas doʻstim bir gap bilan Allohni unutma demoqchiman. Mol dunyo, oʻyin kulgu, doʻst, oila va bola chaqalar oʻz yoʻliga, Allohni koʻproq zikri qil uning Kalomini yodla. Unga goʻzal holatda qaytishga harakat qil.

Shu oʻrinda buni menga ham eslat!

Oila qurish degani shunchaki bir qizni olib to‘ydan keyin chet elma chet el yurishing, yoki uyga kelganingda sevgi izhor qilishing, ilmsizlikdan birga bema’ni (romantik) kino serial koʻrib o’tirishing, bir paytlar onangga yordam bermagan oshxonada to‘ydan keyin kelinga dastyor bo‘lib qolishing emas.

Sen bir qizni javobgariligini emas butun bir millatni javobgariligini bo‘yningga olasan. 1-2 yil yashab yashamay ajrashib ketaversang millating ham zurriyotlaringni ham hayoti tamom bo‘ldi degani. Agar qiz ilmsiz bola yetishtirsa u ham o‘zinga o‘xshagan bo‘ladi. Qiz bechora ham katta ehtimol bilan senga oʻxshab ilmsiz boʻladi, chunki shu holatingda senga erga tegishga rozi boʻlgan.

Sendan u farzandli bo‘lgan bo‘lsa-yu, sen shu holatda ajrashsang bola травма bilan katta bo‘ladi. Keyin sendan battar o‘g‘il, do‘st va ota bo‘ladi. Qarabsanki shu bilan jamiyatni o‘ldirasan.

Agar uylanishiga ma’nan va modiyatan tayyor bo‘lmasang uylanma. Ayollingdan ilmliroq bo‘lmasang uylanma. Farzandga tarbiya berolmasang, Allohni tanita olmasang, to‘g‘ri aqidada o‘stira olmasang uylanma.

Uylanishdan oldin o‘qi o‘rgan, bir ishni boshini ushla. Unutma bitta sen ham butun boshli bir ummatni buzilib ketishiga sababchi bo‘la olasan.

Alloh bo‘ydoqlarni soliha qizlar bilan rizqlantirsin va ularga mos solihlardan qilsin.

02.05.2023

Misol uchun bizga qahramon qilib koʻrsatilganlar: Merlin, Supperman, Oʻrgimchak odam, Thor va yana qanqadir amerika (ular nazdida butun dunyo)ni qutqarib keluvchi allam balo odamlar.

Bir qahramon sehrgar. Sehrgarlar Sulaymon alayhissalom davrida tushganida odamlar oʻrganish uchun kofir boʻlishga rozi boʻlishgan. Sehr zarar keltiradigan, foyda keltirmaydigan narsa edi. Sehr uchun iymonidan kechishgan. Bizga sehr qanday koʻrsatilgan, sehr yaxshi narsa u mamlakatni qutqaradi, ajdarhoni oʻziga boʻysuntiradi, sehrgarlar esa oʻlmaydi. Shu narsalrni ongimizga singdirib kelishgan edi.

2:102

Yana biri Thor asgrd degan joyni Xudosi adashmasam. U oʻzini dunyosidan yerga tushirib yuborilgan Xudolaridan bir edi. Bu qahramon gʻirt shirkiy qahramon. Ular (marvel) bunaqa personajlar bilan yakka ilohdan, koʻp Xudolikka bizni targʻib qilib kelishgan va kelishyapti. Bu borib borib ularga sigʻinishlarigacha borishi mumkin.

Oʻrgimchak odam va hakazolarni oʻzilar ham bilasizlar aytmay qoya qolay.

Aslida bizga qahramon sifatida kimlarni koʻrsatishlari kerak edi? Bizda oʻzimizga yarasha qahramonlar bor edi. Dengizni ikkiga boʻlib (Alloh izni bilan) qavmlarni qutqarib qolgan Muso alayhissalom qahramon qilib koʻrsatishi kerak.

Oʻliklarni tiriltira olgan (Alloh izni bilan) Iso alayhissalom qahramon qilib koʻrsatishi kerak.

Oyni ikkiga boʻlgan (Alloh izni bilan) Muhammad alayhissalom qahramon qilib koʻrsatishi kerak. Adolat ligasi qahramonlaridan koʻra adolatliroq Umar ibn Hattobni koʻrsatishi kerak.

Ahiles-dan koʻra yaxshiroq sarkardalar Xolid ibni Valid, Salohiddin ayyubiylar koʻrsatish kerak edi. Yana bir qancha zotlar bor.

Bizni asl qahramonlarimiz shular emasmi? Hozir ham kech emas ular haqida oʻzim oʻqib oʻrganib olishimiz kerak. Bizdan keyingi avlod ham gʻayridinlarning qahramonlarini koʻrmasliklari kerak. Farzandlarimizga oʻzimiz aytishimiz kerak kimlar haqiqiy qahramonlar ekanligini.

Maslahatim koʻproq siyrat kitoblarini oʻqing, sahobalar, tobeinlar, ulamolar hayotini oʻqing va ularni qilgan ishlariga amal qilishga harakat qiling. Chunki farzandlaringizga birinchi qahramon siz boʻlasiz, Boburni oyisi emas.

Tavsiya beradigan kitoblarim: Ar rahiqul maxtum, Siyratni anglash, As-siyra an nabaviyya siyrat kitoblari.

Asharai mubashshara, 101 ulugʻ sahobiy, hadis va hayot 21- 22 - juzlari sahobalar haqida.

Alloh oʻzi siz-u bizni toʻgʻri yoʻldan adashtirmasin. Keyingi safar qisqaroq yozishga harakat qilaman.

23.05.2023

Men oʻyladim televizorlar odamlarni oʻzlariga qaram qilish uchun chiqarilgan boʻlsa, u oʻz ishini uddalabdi. Eng qizigʻi u xonadonlarda hech birida kutubxona yoki shunga oʻxshash joy koʻrmadim. Baʼzilarida ofisi bor ekan 3-4 ta kitoblar bilan.

Anvar Ahmad aytgan edi, oldinlari uylarimiz паталок-lari kitobga oʻxshab yasalgan, sababi bola yoshligidan kitoblarni koʻrib katta boʻlsin deb.

Hozirgi koʻp uylarda alohida bolalar uchun xonalar bor, u xonalar odatda oʻrgimchak odam yoki dengiz qaroqchilari bezaklari bilan bezatilgan.

Men koʻrgan videolarda shunaqa xonalar talay edi.

Bunaqa xonalar qilinishining sababi bola tugul ota onada ilmga, kitoblarga boʻlgan qiziqish va muhabbat yoʻqligidan. Shu har bir xonadagi televizorlar puliga ehhe kitoblar beradi, bemalol bitta oʻzbekcha kutubxona qilsa boʻladi. Mebel pulini aytmasa ham boʻladi.

Siz uy qursangiz yoki sotib olsangiz oʻzingiz uchun farzandlar kelajagi uchun kutubxona qiling. Farzandlaringizga kitobga boʻlgan muhabbatni oshiring, ilm olishlariga sababchi boʻling. Qanaqdir televizordagi seraillingizdan biroz uzoqlashib bola haqida oʻylang.

Bu oʻtkinchi dunyoda siz-u bizdan Allohni tanituvchi ilm qoldirishga harakat qilaylik, oʻqib oʻrganib, oʻrgataylik.

Alloh ilmingizni ziyoda qilsin.

26.05.2023

Ularni bu gaplarni aytishiga sabab muvaffaqiyatsiz nikoh boʻlganni uchun. Unga asosiy sabab esa bu boʻlajak turmush oʻrtogʻidan notoʻgʻri narsani kutish.

Yaʼni yigit va qizlar boʻlajak turmush oʻrtogʻidan koʻp narsani kutub yuborishadi. Yigitlar oʻylaydi: ishdan kelaman shirin ovqatlar tayyor boʻladi,

doim nimanidir aytsam menga quloq solib itoatda boʻladi, gapimni ikki qilmaydi, goʻzal holatda yuradi, uylarim saranjom sarishta boʻladi, farzandlarga yaxshi ona boʻladi deb oʻylaydi.

Qizlar esa: menga doim yaxshi munosabatda boʻladi, doim meni sevishini aytadi, birga sayrga chiqamiz, xohlagan narsamni olib beradi, yaxshi sharoitda yashaymiz va hakazo deb xom xayol qilishadi.

Aslida hayot bunday boʻlmaydi. Charchab kelsang ovqat tayyor boʻlmagan, uylar tozalanmagan, qizni koʻrinishi bir ahvolda, gapirsang gaplar toʻliq inobatga olinmagan, farzandlarga doim yaxshi tarbiya ham berolmas balki.

Erkak kishida har hil vaziyat boʻladi, koʻchadan kayfiyat buzilib keladi, yaxshi gapira olmaydi, charchab kelsa sen bilan sayrga ham chiqmaydi, xohlagan narsanni olib bermaydi, ishi bir tekis ketmaydi puli bir koʻp bir kam boʻladi.

Bularning boshi oʻsha boshqalarni hayotini koʻrib meniki ham shunday boʻladi deyish.

Internetga hech kim bugun ovqat tayyorlamapti, uylar tozalanmagan, seni sayrga olib deb olib chiqmadi, uni olib beraman deb olib bermadi, meni hayotim bir tekkis oʻtmayapti deb story va postlar joylamaydi. Doim ular baxtli hayot kechirayotgandek tutishadi oʻzlarini.

Kino, klip, kitob, ertaklardagi hayotni oʻz hayotingda kutma, xozirgi hayoting qanday boʻlsa shunga bitta sherik qoʻshiladi deb kut. Agar romantik kinolarni koʻrib oila qursang tepadagi ayrim holatlarni koʻrib oilangdan koʻngling sovib ajrashib ketishing mumkin.

Turmush oʻrtogʻingni boricha qabul qil chunki *U sizlarni bir jondan yaratgan va undan oʻz juftlaringizni yartgan. Shularni unutma shunda senda muvaffaqiyatli nikoh boʻladi inshaalloh.

*4:1

Alloh barchamizni uyimizni saodat maskani qilsin.

31.05.2023

Bularni hammasini bilib tugʻilmaydi, kuzatib oʻrganadi. Aslida biz ham shundaymiz hozir ham. Mediadan kimni koʻp kuzatsak shuni gaplaridan gapiramiz, u fikrlagandaqa fikrlaymiz.

Suhbatdoshga e’tibor bering, xoh u suhbat tarixiy boʻlsin, diniy, iqtisodiy, adabiy boʻlsin kimni shu sohada koʻp kuzatsa oʻsha odamlarga oʻxshab gapirayotgan boʻladi.

Shunday ekan biz kimni kuzatishimiz muhim. Kuzatuvchilarimiz hayotda katta roʻl oʻynaydi. Ularni toʻgʻri tanlashimiz kerak. Ular oʻzlari nima xohlasa sizga ham shuni singdirmoqchi boʻlishadi.

Maslahatim, *Rosululloh sallallohu alayhi va sallamni hayotini koʻproq kuzating. Paygʻambar alayhissalom

hamma sohada eng yaxshisi edilar, oilada, uztoslikda, birodarlikda, savdogarlikda, suhbatdoshlikda, qoʻmondonlikda qolgan yana koʻp narsalarda bizga haqiqiy oʻrnak inson boʻlganlar.

*33:21

Siz kuzatadigan zamonaviy odamlarni beradigan maslahatlarini filtrdan oʻtkazib qabul qiling, ular nimaiki aytsa toʻgʻri deb bilmang, fact-checking qiling.

Alloh barchamizga solih insonlarni uchratsin.

U paytdagi rejalar, harakatlar, maqsadlar, dunyo qarash umuman boshqa, hozirgi men emas begona odam dek.

Odam tashqaridan oʻzini koʻrsa, oʻzidagi kamchiliklarini toʻldirishni boshlaydi. Fikrlarda ham shu, yozilib qoʻyilgan fikrlarni koʻrsa hozirgi fikrlar bilan solishtirib koʻradi. Hozirgisi keng va toʻgʻri boʻlsa bu uni yutugʻi. Aksincha boʻlsa bu tosh boʻlib qotib qolgan hisoblanadi.

Eski essay-larimni koʻrdim va oldingi oʻzimdan ancha kengroq va toʻgʻriroq fikrlashimni bildim.

Keyin bir narsani tushundim, odam yozishi kerak. Xoh maqsadlari boʻlsin, xoh kuni qanday oʻtgani boʻlsin, xoh bir narsani qanday tushungani haqida boʻlsin yozishi kerak.

Har kuni yozish ham shart emas. Shunchaki ora orada yozing.

Daftarga boʻladimi, yon daftarmi farqi yoʻq. Uzun qilib oʻzingizni qiynamang qisqa yozing faqat davomiy yozing.

Public yoki private telegram kanal ochib yozib koʻring. Maslahatim public kanal oching, oʻz fikringizni yozib boring, uni boshqalarga ham koʻrsating, qandaydir iqtibos yoki koʻchirma po’stlarni emas albatta. Unaqa kanallar keragidan ortiq.

Kanalda oʻz tushunglaringizni qisqami uzunmi yozib boring. Keyin har 9-10 oyda eski po’stlaringizni oʻqing, shunda yozganlaringiz dunyo qarashingiz oʻzgarishiga sabab boʻladi. Sizni fikrlaringiz boshqa odamni ham oʻzgarishiga sabab boʻlsa nur ustiga aʼlo nur.

Eski holatingiz va hozirni solishtiring, holat oʻsha-oʻsha boʻlsa xatoni topib toʻgʻrilashga harakat qiling. Oldin buni menga aytishganda bunga yengil qaraganman, hozir esa qoʻshilaman.

24.06.2024

Savolimizga javob berganlarni gapi sehrli tayoqchaga aylansayu bizni harakat qildirmasdan o’sha maqsadimizga yetishtirib qo’ysa.

Bunaqasi yoshlikdagi multfilmlarda bo’ladi. Hozir ulg’ayganmiz mas’ulyatlarimiz bor yosh bolaligimizdan farqli o’laroq.

Hammasiga harakat bilan erishamiz. Kimdandir nimanidir kutib yashab bo’lmaydi. Sehrli tayoqchani miyamizdan chiqarib yuboruvchi ham, maqsadlarga erishishda harakat qiluvchi ham faqat o’zimiz.

12.07.2024

Ularni saralashni boshladim.

Foydalidan ko’ra foydasizlari ko‘p ekan.

Bu saralashni boshqa holatlarda ham sinab ko’rish kerak.

Kim bilan gaplashib turganimizni saralash kerak.

Ko‘rib turgan narsamizni saralash.

Screen timeni tekshirish kerak.

Vaqtimni tartiblashim kerak.

Ertaroq qilganimda hozirgi holatimdan 10 baravar yaxshi holatda bo‘larmidim.

Muhim bo‘lmagan narsa bilan ovora bo‘lgan odamning hayoliga muhim narsalar kelmaydi. Buni to‘g‘rilash uchun muhim bo‘lmaganlarini kesish kerak, shundan keyingina muhimlari keladi.

Ungacha esa yo‘q.

26.07.2025

4. Raqobat: Ijtimoiy tarmoqlarda boshqalar bilan raqobat qilish hissi odamlarni o’zlarini yaxshiroq ko’rsatishga majbur qiladi. Ular boshqalardan ortda qolmaslik uchun o’zlarini baxtli va muvaffaqiyatli qilib ko’rsatishadi.

Ijtimoiy tarmoqda rostandan ham ko’p narsa yolg’on.

Baxtlilar asli baxtsiz.

“Boylar” asli kambag’al.

Premium hayotni ko’rsatib o’zi qarzga yashab yurganlarni ko’rdim.

Kitob o’qinglar deb o’zi o’yin o’ynab soatlarini sariflaganlarni ko’rdim.

O’zim yozganimga amal qilmagan paytlarimni ko’rdim.

Ular o’zlarini va boshqalarni shunday aldashadi.

Shu yo’l bilan aslini yashirib boshqalar e’tiborini tortishadi.

Odamlar o’zlarining eng yaxshi tomonlarini ko’rsatishni xohlashadi va boshqalar ularga havas qilishini istashadi. Bu o’zlarini yaxshi ko’rsatishning bir usuli hisoblanadi.

04.08.2024

Katta kompaniyalar ombordan boshlangan

Yugurish emaklashdan boshlangan

Boshida hammasi kichik va oddiy

bo’lib ko’rinadi, keyin buyuk bo’ladi.

Buyuk ishlarga niyyat qil

Boshlamasang boshlash kerak bo’lgan joyda qolib ketaverasan, vaqt o’tib ketaveradi.

3:122

Faqat 2 soat vaqtim(50$;) ketdi.

3 yil sport bilan shug’ullanib keyin tashladim.

6 yil bo’ldi hali sport bilan shug’ullanmayapman.

7 oy har kuni kitob o’qishni yo’lga qo’ydim.

O’qimay qo’ydim, endi o’sha holatga qaytish qiyin bo’lyapti.

Ingliz tilini o’rganib yurdim. 1 oydan keyin yana o’qiyman deb tashladim.

4 yildan beri o’qiganim yo’q.

Vaqtida qaytilmasa qiyin bo’ladi.

Ayniqsa kerakli odatlarni qaytarishda.

Yomon odatlarni tashlash (reels, ko’p uxlash, ko’p va noto’g’ri yeyish),

foydalilarini(kitob o’qish, ilm olish, sport) qaytarish qiyin.

Boshqa ishlarda ham shu, ortga sursang qayta qilish shuncha qiyinlashib ketaveradi.

Noto’g’ri yo’lga ketsang tez qayt.

7:153

22.12.2024

2020-yil SMM

Birdan shu soha odamlarni og’ziga tushishni boshladi. Kimdirlar shu sohani o’rgatib ishlaganlardan ko’ra ko’proq pul qildi. Ko’pchilik shuni o’rgandi, qiziq xozir shularni hammasi shu sohadamikan?

2023-yil Zapusk.

Ishida bir yaxshi yurganlar ham o’zini shunga urdi. Vaqtida kirganlar yaxshi zapusk qilib pul ishladi. Kimdirlar kurs qilib.(Odat shunaqa shekilli o’zi ishni emas ish qilishni o’rgatib pul topish.)

Hozir holat qanaqa deb qiziqgandim ko’pchilik foydada emas 0 holatda tugatganiga xursand zapuskni.

Qarzdorlar 0 dagilardan ko’p shekilli.

2025-yil

Bu yil Startup mavzusi quloqqa chalinyapti.

Bizda bu soha bu darajada endi ommalashyabdi.

3-4 yilda nima bo’lishi qiziq.

Birinchi kirganlar bu yerda ham foydada qoladi boshqa sohadagiga o’xshab.

Hamma bilagandan keyin harakat qilish befoyda. Hamma bilganda kech bo’ladi, ertaroq harakat qilish kerak.

Lekin eng kechi sur’dan keyin bo’ladi.

Kimdir giyoxvand moddaga o’tirib qoladi, mukofotini keyin oladi.

Kimdir oshiqcha pulini hammasini ishlatadi.

Kimdir zararlini narsalarni ko’p iste’mol qiladi.

Kimdir kunini instagramda o’tkazib yuboradi.

Bularni mukofoti:

Psixoz bo’ladi.

Pul kerakligida o’ziniki bo’lmaydi qarz oladi.

Oshiqcha vazn bilan qiynalib yuradi.

Focus yo’qoladi, noshukirlik ko’payadi.

Ikkinchi tur o’yinlar:

Kimdir zararli odati borlar bilan do’stlashmaydi.

Kimdir keraksiz oshiqcha narsalarga pul sarf qilmaydi.

Kimdir yeb turgan narsasini nazorat qiladi.

Kimdir instagramga o’xshash platformalardan o’zini cheklaydi yoki umuman kirmaydi.

Bularni mukofoti:

Yonida sog’lom fikrlaydigan odamlar bo’ladi.

investitsiya bo’ladi yoki ko’rpasini tagida puli bo’ladi.

Sog’lom tanasi bo’ladi.

O’zini hayotida yashaydi taqqoslamaydi.

Mana shu narsalarni mukofoti keyin keladi.

Qiziq savol qaysi o’yindaman!?

Lenin ham buni takidlaganmidi?

Yoshligimdan bir misol, ko’p chet el kinolarini ko’rardim hammasida 2 ta farzand bir o’g’il bir qiz. Shuni ko’p ko’rib miyamga juda silliq joylashib qolgan 2 ta farzand norm boshqasi oshiqcha degan narsa.

Xozirgi ommmaga singdirilib turgan narsalarni ko’rib bizdan keyingi avlod (farzandlar)dan havotirdaman ular nimani ko’rishadi?

Amerika juda rasvo qilib tashlagan, oxirgi yillarda chiqarilgan ko’p kinolarni ko’rilar shunaqangi jirkanch narsalarni normal qilib ko’rsatishyabdi.

Ular o’zlarini dunyoni qutqaruvchisi va eng yaxshi davlat qilib ko’rsatishini aytmasa ham bo’ladi.

Eshitishim bo’yicha kinoga “go’zallarni” qo’shmagunicha unga oscar berishmaydi.

Farzandlarga haqiqiy qahramonlarni tanitish uchun o’zimiz ularni tanib olsak qo’rqinch ancha kamayadi.

Qahramonlar haqida yozgan narsamni bir yaxshilab qayta o’ylab ko’rishim kerak.

P.s Ko’p farzandli bo’lish haqida yaxshi narsa eshitganimda esimga kelib qoldi.

Ular o’yin kulga chaqirishsa bormagin.

Bekorchi gaplar gapiriladigan joyga chaqirishsa bormagin.

Ularga o’xshab nasiyaga status o’yinini o’ynamagin.

Kechasi bilan daydib yurmagin.

Shunda ular uchun qaysidir ma’noda “o’lgan” bo’lasan.

Ko’proq o’qi.

Manfaatli joylarga suhbatlarga bor.

O’zingda boriga qanoat qilib yasha nasiya kreditga aralashma.

Ko’proq harakat qil.

Ertaroq uxla.

Shu bilan ulardan o’tib ketasan, hech yo’q ulardek umr o’tkazmaysan.

Shuhrat Akbarov

Biron bir yangi narsani odat qilishni boshlaganimda uni ozgina to’xtadsam shu bilan qolib ketadi, qayta boshlashga kuch yetmaydi. Shu holatda o’sha odatni qilolmasligimni bilsam shuni eng kam minimal darjada qilish yechim deb bildim, chunki uni qayta boshlashga davom ettirishdan ko’ra ko’proq kuch sarflayman ekan.

Hamma narsada shu ish beradi, gymga bormoqchi bo’laman lekin erinaman, asosiy kuch kiyimlarni olib gymga yo’lga tushguncha ketadi.

Yaxshi bir usul odatda ishlab keladi.

• Bu misol gymga bormoqchiman lekin erinyabman, shu holatda o’zimga faqat gymga boraman bo’ldi lekin shug’ullanmayman deyman va boraman borgandan keyin sekin boshlayveraman boshidagi erinchoqlik yo’qolib ketadi.

• Yugurishda ham kitob o’qishda ham va boshqa narsalarda ham shu usulni qo’llasak shu ishni qilishimiz osonlashadi keyin odatga aylanadi, nafsni aldamasak ham o’sha ishni avtomatik qilib ketaveramiz.

  ---

Endi energiya qanday sarflanishi haqida o’rgangan narsamni bo’lishsam.

Hammamizda energiya bor, biron bir yangi odatni boshlamoqchi bo’lsak shu energiyani hammasi odat qancha davom etsa shu vaqt oralig’ida ketadi deb o’ylaymiz, aslida ham shundaymi?

Misol uchun xozir shakarli mahsulotlardan o’zimni tiyishni boshladim, boshidagi 5-6-kunlarda nimadir ichgim shirinlik yegim kelaverdi, endi mana xozir shunchaki hayolga ham kelmayabdi. Oldin shakarli suvlarni ko’p ichardim, uzoq yo’lda ichib ketardim, ba’zi ovqatlarni unday suvlarsiz yeb bo’lmaydi degan fikr ham bor edi. Xozir u narsalar o’rnini choy yoki suv egalladi ular bilan ham moydek yaxshi ketyabdi:)

Shu holatdagi meni tasavvurimda meni energiyam bu ishni qilishga to’liq ketadi deb o’ylagandim, ya’ni 3 oy shu ishni qilmoqchiman men 100% lik energiyamni shu 3 oyga to’liq bo’lib ishlatsam kerak deb o’ylagandim aslida unday emas ekan.

Biz odatda energiyani 80% ni boshlab olishga sarflaymiz qolgan 20% ni esa uni davom ettirishga(tahminiy).

Misol uchun: uyimizdagi gazni olsak uni o’zi yonmaydi unga energiya (uchqun yoki olov) kerak. Mana shu energiyadan keyin u harakatga kelib yonadi, qolgan boshqa malekulalarni reksiyaga kiritadi va keyin biz o’chirmagunimizcha zanjir davom etadi.

Bu energiya fizikada: Aktivatsiya energiyasi deyiyladi.

Zanjir esa: Inersiya

Inersiya nima deyilsa, bu jismni harakat yoki tinch holatidan o’zgartirmaslik.

Gazning malekulalarini zanjir bo’lib yonishi ham inersiya, yonmasdan turishi ham inersiya deyiladi.

Odatni boshlab qo’ysak inersiyani o’zi davom ettirib ketaveradi.

Yangi odatni bir ozgina to’xtadganimizdagi energiya sarfini grafikda ko’rib chiqsak:

Asosiy energiya boshida ketyapdi, keyin esa ancha kamayib bormoq, to’xtadib yana boshlaganda u sarf ko’paydi.

Qiziq tarafi siz bir odatni boshlab uni davomiy qilishni boshlagan bo’lsangiz sizda yana energiya ortib qolishni boshlaydi. Shu vaqtda siz yangi odatni qo’shishingiz mumkin.

Tavsiya qilardim ko’p odatni birdan boshlamaslikni, boshida 2-3 ta yangi odatni boshlasa shu ancha samarasini ko’rsatadi.

Odatlarni shakillantirish bo’yicha shu kungacha ishatgan ikkita ilovam bor foyda bergan.

1. Habit

Bu ilovada 4-5 ta odatni bir vaqtda shakillantirsangiz bo’ladi, premiumda esa undan ko’proq qo’shasiz. Lekin premiumga o’tib odatlarni ko’paytirganimda endi shakillanganlarini ham qilmay qo’ydim.

2. Atoms (James Clear Atomic habits kitobi asosida, endi ishlatishni boshladim)

Buni yaxshi tarafi bir odatni to’liq shakillanmagunicha boshqasini qo’shtirmaydi. O’zi 4 ta odatni bir vaqtda boshlashga ruxsat beradi xolos, agar 5-ni ham qo’shsang tashlab qo’yish ehtimoling ko’p degan ma’noda ruxsat bermaydi.

Qancha oddiy narsa o’rgansangiz uni yoqtish shuncha qiyin bo’ladi.

Qanchalik notabiiy narsa o’rgansangiz uni yo’qotish shuncha oson bo’ladi.

Qiyin odatlarni shakillantiring!

Bir qiz twitterda yozgandi: Duo qililar operatsiyaga kirib ketyapman deb(adashmasam), shu twit qiz uchun oxirgi yozgani bo’ldi, hamma haqqiga duo qildi.

Agar shuni o’rniga boshqa narsa yozganidachi, kimgadir tuhmat, yolg’on, g’iybat yoki kimnidir ustidan kulib yozganidachi?

Viner o’ldi oxirgi videosi reklama bo’lgan edi. Yaxshi tarafi ochiq sochiq u darajada bachkani narsa aralashmagandi o’sha videosi eng ko’p ko’rilganlaridan bo’ldi.

Boshqasi ham o’ldi, uni videolar yarim yalang’och qizlar bilan to’ladi edi. Ikkisiga ham achinishdi, duo qilishdi lekin bu ikkinchisiga odamlarda nafrat ko’zi ham bor edi qilgan ishlariga.

Endi bu narsalarni o’chirib tashlasa bo’lar lekin uni ortidan kelgan gunohlarnichi?

Ular allaqachon yozilgan.

Shu odamlarga manfaatli narsa qilib o’tishganda qancha savob olishardi va u davomiy ham bo’lardi.

Har bir ishimiz oxirgisi bo’lishi mumkin agar shuni aqidamizga juda qattiq singdira olganimizda hozir bunaqa bo’lar bo’lmas ishlar bilan band bo’lmas edik.

Mahmud Tursiy haqida ham yozgan edim, nimani ustida o’zini ko’p topgan bo’lsa shuni ustida o’lgan edi.

Rosululloh alayhisalomdan kelgan hadis bor edi: Bir oyog’imni ko’tarsam uni yerga qo’ya olishga ulgiramanmi yo’qmi shuni o’ylayman deyilgan

(taxminan shunday edi adashmasam).

Hozir qilib turgan ishingni ustida o’lishga rozimisan?

Hozir yozganing eng oxirgisi bo’lishiga rozimisan?

Shuni yaxshilab tafakkur qilsam, odamlarga o’qitayotgan postlarim ancha manfaatliroq bo’lardi.